الشجاعه هي ليست عدم الخوف ولكن انت تتصرف بالشكل الصحيح في المواقف الصعبة

حتي مع شعورك بالخوف

(منقول)

مزيد من الاسي

قتال جديد في لبنان

جرعه جديدة من المرار

مزيد من القتل والدمار

العدو مجهول الهوية

والضحية ماتزال هي الضحية

مهزله جديدة من مهازل العرب المسرح المرة دي كان في لبنان 0 انفجار في طرابلس وبعد الانفجار وخراب الديار الجيش يدخل مخيم للاجئين الفلسطنين وتستمر معركه ما بينه وما بين حركة فتح الاسلام اللي محدش كان سمع عنها قبل كده قبل ما المعجنه دي تحصل 0 مخيم نهر البارد بيضم 45 الف لاجئ فلسطين, يدخل الخيش اللبناني وتبدا المعركة ومحدش عارف ايه فتح الاسلام دي وتبدا الاتهامات علي طول وبما انهم متمركزين في مخيم لاجئين يبقي اكيد فلسطنيين يطلعوا علينا تاني يوم في الاخبار والمرة دي سمعت الخبر ده في نشرة اخبار امريكية وهقولكم اني صدقت الامريكان ومع الاسف, حركة فتح الاسلام دي بتتكون من مقاتلين عرب ومش فلسطنيين هربوا من العراق واتجهوا للبنان 0

استمرت المعركة في المخيم لمده يومين ووسط تبادل اطلاق النار وضرب مدفعية الجيش اللبناني للمباني اللي بيعتقدوا ان المقاتلين متمركزين مع انباء عن وجود طرف ثالث بيضرب علي الفريقين طبعا لاشعال الامور فيها تم تناسي ان في مدنيين ومش مدنيين عاديين لا كمان في الاصل لاجئين يعني ناس الظروف طحناهم من غير مدافع ولا دبابات

الوضع المعيشي متدهور من غير مياة ولا كهرباء ولا مؤن غذائية , جثث في الشورارع لمده يومين , هيئات الاغاثة تقصف هي الاخرة

مع تعتيم اعلامي لحد ما كاميرات قناة الجزيرة دخلت المخيم واظهرت للناس الوضع الانساني المفزع الي بيعيشه اللاجئين وحاله النزوح من المخيم منظر العربيات كان صعب جدا من كتر الناس اللي متكومة علي بعض جواها غير الناس اللي هربوا علي رجليهم

خبر تاني متعلق بالاحداث والمرة دي خرج المتحدث باسم وزارة الدفاع الامريكي يعلن للعالم ان الحكومة بتبحث طلب الحكومة اللبنانية بمساعدتها في القضاء علي فتح الاسلام, الحكومة اللبنانية اعلنت ان الكلام ده محصلش بس بصراحه برده صدقت الامريكان المرة دي

وكالعاده الواحد مش لاقي حاجة يقلها لغير ربنا يرحمنا ونفوق بقي ونعرف العدو الصح ونبطل نقتل في نفسنا

العرب يحتفون بذكري قيام دولة ما يسمي باسرائيل

يوم 15 مايو هيمر 59 سنة علي ذكري احتلال فلسطين وقيام اسرائيل 59 سنة ويبقي الحال علي ما هو عليه او بيتطور من سيئ لاسوء حتي انه فكرة الحرب واسترجاع الارض اصبحت مجرد ذكري وكأن جامعه الدول العربية ملقتش حاجة تعملها لغير انها تكلف مصر والاردن بالتشاور مع اسرائيل لبحث عملية السلام -اسفه الاستسلام- وفي سبيل المشاورات دي زارت وزيرة الخارجية الاسرائيلية مصر من 3 ايام وقبلت رئيس الجمهورية ووزير الخارجية المصري ووزير الخارجية الاردني

انجاز عظيم طبعا هيرجعلنا الارض

ولا تعليق

اسكندريللا في ساقية الصاوي

حضرت حفلة لفرقه اسكندريللا في ساقية الصاوي أنا ورحاب صحبتي وكانت أول مرة ليا احضر حفلة موسيقيه والاول مكنش ليا مزاج اني اروح لكن رحاب كانت نفسها تروح ومش لقيه حد يروح معاها فوقفت اني اروح وكمان عزمتني علي الحفلةمكنتش اقدر ارفض بعد كده طبعا

المهم الحفلة كانت مختارات من اغاني سيد درويش والشيخ امام وبعض من اغاني الفرقه نفسها الفرقة بتتكون من

حازم شاهين بيعزف علي العود وبيغني

شادي مؤنس بيعزف علي العود وبيغني

نور بهجت بيانو

ايمن صدقي ايقاعات

سامية جاهين غناء

آية حميدة غناء

بصراحه كل الاغاني تقريبا وكل اعضاء الفرقه موهوبين وخصوصا حازم وشادي لانهم بيعزفوا وبيغنوا وبيلحنوا لكن حازم كان متميز جدا ربنا وهبه صوت مقدرش اقول عنه اقل من جبار وبيندمج جدا وهو بيغني وبيغمض عينه لدرجة ان لو حد مشفهوش قبل كده وشافه وهو بيغني هيقول انه ضرير

اما شادي ظهر جدا في اغنيه عن دير ياسين من كلمات احمد حداد ومن الحان شادي نفسه الاغاني مش بيظهر في اولها انها عن دير ياسين الاغنية بتتكلم عن ناس كانوا اصحاب حضارة وصار مشرديين انا وللوهلة الاولي لما سمعتها ربطها في ذهني بفلسطين وبعدها بينا احنا كمصريين لاننا برده كنا اصحاب حضارة واصبحنا دلوقتي اصحاب عيال كل واحد عايز يربي عيال ويعيش وزي مترميه الحياة يمشي معاها الاغنية كانت مؤسرة جدا والجمهور اول ما سمع كلمة دير ياسين تفاعل جدا ومكنتش قدرة اسمع اخر كلام في الاغنية من كتر التسقيف

عن باقي الفرقة كان ايمن عازف الايقاع متمكن وادائه رائع والبيانو مظهرش بشكل واضح الا في اخر اغنيه اللي هي اهل الشام وده تقريبا لان طابع الموسيقي الشرقية هي اللي كانت طاغية علي الحفلة

اما آية فبتتميز بالصوت الناعم اللي مش بيخلوا من القوة والرقه في نفس الوقت

سامية كانت اكتر من رائعه في اغنية الختام اللي هي اهل الشام لفؤاد حداد كانت متحمسه جدا جدا كنت تحس بصدق الاداء

اهل الشام كانت حسن الختام بدأت بموسيقي وعدها غنت آية ودخلت سامية في الغناء لغاية لما توقف الموسيقي ومتسمعش غير صوت سامية الملتهب وقبل الاخر تسمع نقر خفيف من ايمن علي الطبلة زي نقر المسحراتي وبيتصاعد النقر ده لحد ما يوصل للعزف والجمهور شارك في العزف بالتسقيف زي المسحراتي كانت القاعة كلها مندمجه مع بعض من عازفين لمغنيين لجمهور

بصراحه كانت تجربة جميلة جدا وان شاء الله هكررها تاني

دي قصيدة اهل الشام

حيوا اهل الشام يا اهل الله

صابرة وهشام ماشاالله

كلهم قد صام وقد صلي

يا ابو زيد الخيل ما تقلقشي

كلهن قد نام مؤدي الفرض

تحت هذا الليل وهذي الارض

قالوا للاحلام ما تقلقشي

ان يكن او كان ندي البلبل

في شجر لبنان ما عنقدشي

والرقابي اقلام مطاطية

تكتب الايام مطاطية

سبت شغلي وجيت اسحركم

دق قلبي في بيت مسافركم

مت ما استنيت لاخركم

يا تجار الزيت بخاطركم

شاعر حداد حيخبركم

ان اسمي جهاد بدمعاتي

اسمي الاستشهاد في طلعاتي

كنت رد بلال علي المدنة

يا ابو زيد هلال ورمضانا

كنت مهر النور ما غمضنا

شب فوق السور كما يلزم

لم ازل منصور ولم اهزم

عند ست بحور تغرقني

والجنان الحور تعرفني

حيوا اهل الله يا اهل الله

يا عباد الله عباد الله

تعرف الانسان من الطلة

حط قلبي شهود علي الطبلة

تعرف الانسان من الشوفه

لاتري مهواه ولا خوفه

لاتري ادناه بيدلي

لا تري اعلاه ولابيشهق

في شحوب النار في الازرق

والقمر مسروق وما جانا

جيت اغني شروق وميجانا

لاخرج مطرود ولاغيَب

قد ثبت في الدار واثبتها

هاديا للدار وهاديني

في امم اطوار يناديني

كنت في الاشعار ابو الطيب

من حمي لي الدار حمي ديني

سيفي من ابطال حمادينِ

يا نقا الاسلام طرح بُلبُل

في ندي الاسلام فلسطيني

مثل موج البحر مثل الموج

حيث لا تلتام جراحاتي

يبتدي من الان من الاتي

مثل موج البحر مثل الموج

قولوا للقلقان مايقلقشي

دولة الاحلام ما تقلقشي

تحت هذا الليل وهذي الارض

كلهم قد نام مؤدي الفرض

يا ابو زيد الخيل ما تقلقشس

كلهم قد صام وقد صلي

صابره وعصام وماشا الله

حيوا اهل الشام يااهل الله

يا عباد الله عباد الله

اعتذار رسمي

يوم السبت اللي فات كان يوم الارض الفلسطيني وكانت دار الاوبرا المصرية عامله حفلة بالمناسبة دي . رحاب صحبتي هي اللي قالتلي وكانت ريحه مع اختها وصاحبه اختها الفلسطينيه اللي عرفتنا كلنا باليوم ده

المهم هما راحوا قبل المعاد بربع ساعة لكن رحاب لانها صديقة فعلا مقدرتش تدخل القاعه من غيري واختها وصحبتها دخلوا ورحاب فضلت مستنياني بره القاعه وانا لاجل الحظ الجميل الطريق كان مقفول من الزحمة وفوصلت متأخرة ربع ساعة وطبعا معرفناش ندخل انا ورحاب بصراحه انا مش عارفه هي صبرت عليا ازاي انا لو كنت مكنها كنت اتنرفزت وكرهتها علي الاقل يومين بس هي احسن مني ومعملتهاش وضاعت علينا الحفلة

انا بس يا جماعة بعتذر بجد لرحاب علي صفحات البلوج وبقلها ربنا يخليها ليا وتفضل تستحملني كده علي طول

ولد الهدي

بمناسبة المولد النبوي الشريف هذه بعض الابيات من قصيده البرده للامام البوصيري

مولاي صلــــي وسلــــم دائمـــاً أبــــدا	علـــى حبيبــــك خيــر الخلق كلهـم
ظلمت سنة من أحيا الظلام إلــــــــــى	أن اشتكت قدماه الضر مــــــن ورم
وشدَّ من سغب أحشاءه وطــــــــــوى	تحت الحجارة كشحاً متـــــرف الأدم
وراودته الجبال الشم من ذهــــــــــبٍ	عن نفسه فأراها أيما شـــــــــــــــمم
وأكدت زهده فيها ضرورتـــــــــــــــه	إن الضرورة لا تعدو على العصــــم
وكيف تدعو إلى الدنيا ضرورة مـــن	لولاه لم تخرج الدنيا من العـــــــــدمِ
محمد ســـــــــــــــيد الكونين والثقليـ	ن والفريقين من عرب ومن عجـــــمِ
نبينا الآمرُ الناهي فلا أحـــــــــــــــــدٌ	أبر في قولِ لا منه ولا نعـــــــــــــــــم
هو الحبيب الذي ترجى شــــــــفاعته	لكل هولٍ من الأهوال مقتحـــــــــــــــم
دعا إلى الله فالمستسكون بــــــــــــه	مستمسكون بحبلٍ غير منفصـــــــــــم
فاق النبيين في خلقٍ وفي خُلــــــــُقٍ	ولم يدانوه في علمٍ ولا كـــــــــــــــرم
وكلهم من رسول الله ملتمـــــــــــسٌ	غرفاً من البحر أو رشفاً من الديـــــمِ
وواقفون لديه عند حدهـــــــــــــــــم	من نقطة العلم أو من شكلة الحكـــــم
فهو الذي تـ ــــــم معناه وصورتـــــــه	ثم اصطفاه حبيباً بارئُ النســــــــــــم
منزهٌ عن شريكٍ في محاســـــــــــنه	فجوهر الحسن فيه غير منقســـــــــم
دع ما ادعثه النصارى في نبيهـــــم	واحكم بماشئت مدحاً فيه واحتكــــــم
وانسب إلى ذاته ما شئت من شــرف	وانسب إلى قدره ما شئت من عظــــم
فإن فضل رسول الله ليس لـــــــــــه	حدٌّ فيعرب عنه ناطقٌ بفــــــــــــــــــم
لو ناسبت قدره آياته عظمـــــــــــــاً	أحيا اسمه حين يدعى دارس الرمــم
لم يمتحنا بما تعيا العقول بــــــــــــه	حرصاً علينا فلم نرْتب ولم نهــــــــمِ
أعيا الورى فهم معناه فليس يـــــرى	في القرب والبعد فيه غير منفحـــــم
كالشمس تظهر للعينين من بعُـــــــدٍ	صغيرةً وتكل الطرف من أمـــــــــــم
وكيف يدرك في الدنيا حقيقتــــــــــه	قومٌ نيامٌ تسلوا عنه بالحلــــــــــــــمِ
فمبلغ العلم فيه أنه بشـــــــــــــــــــرٌ	وأنه خير خلق الله كلهــــــــــــــــــمِ
وكل آيٍ أتى الرسل الكرام بهـــــــــا	فإنما اتصلت من نوره بهـــــــــــــم
فإنه شمس فضلٍ هم كواكبهـــــــــــا	يظهرن أنوارها للناس في الظلـــــم
أكرم بخلق نبيّ زانه خلــــــــــــــــقٌ	بالحسن مشتمل بالبشر متســـــــــم
كالزهر في ترفٍ والبدر في شــــرفٍ	والبحر في كرمٍ والدهر في همــــــم
كانه وهو فردٌ من جلالتـــــــــــــــــه	في عسكر حين تلقاه وفي حشــــــم
كأنما اللؤلؤ المكنون فى صـــــــدفٍ	من معدني منطق منه ومبتســــــــم
لا طيب يعدل تُرباً ضم أعظمــــــــــهُ	طوبى لمنتشقٍ منه وملتثــــــــــــــمِ
في مولده عليه الصلاة والسلام
مولاي صلــــي وسلــــم دائمـــاً أبــــدا	علـــى حبيبــــك خيــر الخلق كلهـم
أبان موالده عن طيب عنصـــــــــره	يا طيب مبتدأ منه ومختتــــــــــــــم
يومٌ تفرَّس فيه الفرس أنهـــــــــــــم	قد أنذروا بحلول البؤْس والنقـــــــم
وبات إيوان كسرى وهو منصــــدعٌ	كشمل أصحاب كسرى غير ملتئـــم
والنار خامدة الأنفاس من أســــــفٍ	عليه والنهر ساهي العين من سـدم
وساءَ ساوة أن غاضت بحيرتهـــــا	ورُد واردها بالغيظ حين ظمــــــــي
كأن بالنار ما بالماء من بــــــــــــلل	حزناً وبالماء ما بالنار من ضــــرمِ
والجن تهتف والأنوار ساطعـــــــــةٌ	والحق يظهر من معنى ومن كلــــم
عموا وصموا فإعلان البشائر لـــــم	تسمع وبارقة الإنذار لم تُشــــــــــَم
من بعد ما أخبره الأقوام كاهِنُهُـــــــمْ	بأن دينهم المعوجَّ لم يقــــــــــــــــمِ
وبعد ما عاينوا في الأفق من شهـب	منقضةٍ وفق ما في الأرض من صنم
حتى غدا عن طريق الوحى منهــزمٌ	من الشياطين يقفو إثر منـــــــــهزم
كأنهم هرباً أبطال أبرهــــــــــــــــــةٍ	أو عسكرٌ بالحصى من راحتيه رمـى
نبذاً به بعد تسبيحٍ ببطنهمــــــــــــــا	نبذ المسبِّح من أحشاءِ ملتقـــــــــــم ادعوه كل من يقرأ هذه الابيات للاكثار من الصلاة علي النبي الكريم

ده الموقع اللي فيه القصيده كاملة للي يحب يكملها
http://www.islamiyyat.com/alburdah.htm

متاحف الشوارع وآل البيت

لأول مرة أمر في هذه الشوارع. مررت اليوم في شوارع القاهرة الفاطمية وتوغلت في أماكن لم أكن أري منها من قبل ذلك غير القشور وفي طريق عودتي ركبت ميني باص من أمام جامعه الازهر إلي الجيزة وكان أجمل ما في الطريق الوقت ما بين السيده عائشة والسيدة زينب لقد ذهبت قبل ذلك للسيده عائشة والسيدة زينب ولكنني لم ادخل لمثل هذه الشوارع من قبل في شوارع المبتديان وطولون تشعر كأنك داخل متحف إسلامي كبير كبير الحجم والقيمة.لا تملك معه وأنت تنظر إلي بهاء وجمال وعظمة هذه المساجد إلا أن تقول الله الله من صميم القلب وأخذت أكبر ,استشعرت عظمة وجمال ديننا وكيف ان كلمه الله كانت ومازالت وستظل تتردد في هذه المساجد منذ زمن ومررت علي مسجد السيده زينب وكأني أراه لأول مرة وبعد هذه الشحنة الروحانية الهائلة التي أمتلئت بها بمروري علي هذا العدد الكبير من المساجد أخدت أسلم علي سيدتي زينب(السلام عليك يا بنت بنت رسول الله)وأخذت اصلي علي الحبيب المصطفي صلي الله عليه وسلم وعلي ال البيت

عجيب كيف تستطيع حجارة المساجد ومع انها تبقي مجرد حجارة ان تحرك القلب

الحب

هذا البوست نتيجة الهام من قرأة بوست عن الحب من مدونة شادي فايد

الحب وتعريفه

الحب ما هو الا هذا الشعور الذي يجتاح الانسان بكامله يدخل مدنه بدون استئذان يهاجم القلاع يكسر الحواجز يتركك عاجز عن المقاومة يهاجم ويهاجم ويهاجم حتي يستنفذ كل قواك ولا تجدي في النهاية مفرا من الاستسلام

http://shidwik.blogspot.com/2007/02/blog-post_13.html

حنين

وكأن الماضي دايمن أحلي

دايمن في حاجة بتشدني للماضي لما برجع للمكان اللي عشت فيه طفولتي واتربيت فيه ببقي فعلا زي المجنونة بمشي في الشارع اضحك وأغطي وشي بايدي علشان أداري ضحكتي بتبقي ضحكة من القلب والعين سوا كل شبر هناك كل حتة بمشي فيه ليا فيها ذكري ياااه هنا كنت بمشي مع صحباتي هنا كنا بنضحك هنا كنا بنجري ونتسابق

كل ركن في الشارع ايوة حنفية الميه دي ياما شربت منها ,يااااه المحل ده كنا بنجيب منه لبن بالشكولاتة بعد ما نخرج من المدرسة

لما بمشي علي النيل هناك واركب المركب وافتكر لما كنت بشتري الايس كريم

ولما امشي واشوف حد كنت بعرفه أو حتي عارفة مجرد شكله ببقي سعيدة جدا بس للاسف السعادة دي بقت مقترنة بالحزن لان بفتكر ان كل ده خلاص بقي ذكريات مجرد ذكريات معدتش بملك من المكان ده غير ذكريات

وفي لحظة واحدة وأنا مشيه في نفس الشوارع ومع أني كنت لسه بضحك من دقايق القيني بدمع وبدل ما أخبي ضحكتي بخبي الدمع

واسال نفسي هي الايام دي مش هترجع تاني

مع أني عارفة الاجابة مسبقا وعارفة أنها مش هترجع تاني

طبعا مش كل حياتي هناك كانت بمنتهي السعادة أكيد كان فيها متاعب وبعض الاحيان حزن بس دايما كان في أمل كان في حلم كبير كان في أمنيات ببكرة كبير

مش لقيه حاجة أعبر بيها أكتر من أبيات لأمل دنقل

هل تري؟

هي اشياء لا تشتري

ذكريات الطفولة بين أخيك وبينك

حسكما فجأة بالرجولة

هذا الحياء الذي يكبت الشوق حين تعانقه

الصمت مبتسمين لتانيب أمكما

وكأنكما

ما تزالان طفلين

A MEMORY

DARE, you will be there.
FLY, you will touch the sky.
SWEAR, you will be there.
REMEMBER, it will never die.

A MEMORY IS A LITTLE BIRD STANDS ON YOUR MIND`S WINDOW.

عن انسان

وضعواعلي فمه السلاسل
ربطوا يديه بصخرة الموتي
وقالوا: أنت قاتل
أخذوا طعامَه’,والملابسَ,والبيارق
ورموه في زنزانة الموتي
وقالوا أنت سارق
طردوه من كل المرافئ
أخدوا حبيبته الصغيرة
ثم قالوا: أنت لاجئ

يا دامي العينين ,والكفين

ان الليل زائل

لا غرفة’ التوقيف باقية

ولا زَرَد’ السلاسل

نيرون مات ,ولم تمت روما

بعينيها تقاتل

وحبوب’ سنبلةٍ تموت

ستملأ الوادي سنابل

من روائع محمود درويش