يوم السبت اللي فات كان يوم الارض الفلسطيني وكانت دار الاوبرا المصرية عامله حفلة بالمناسبة دي . رحاب صحبتي هي اللي قالتلي وكانت ريحه مع اختها وصاحبه اختها الفلسطينيه اللي عرفتنا كلنا باليوم ده
المهم هما راحوا قبل المعاد بربع ساعة لكن رحاب لانها صديقة فعلا مقدرتش تدخل القاعه من غيري واختها وصحبتها دخلوا ورحاب فضلت مستنياني بره القاعه وانا لاجل الحظ الجميل الطريق كان مقفول من الزحمة وفوصلت متأخرة ربع ساعة وطبعا معرفناش ندخل انا ورحاب بصراحه انا مش عارفه هي صبرت عليا ازاي انا لو كنت مكنها كنت اتنرفزت وكرهتها علي الاقل يومين بس هي احسن مني ومعملتهاش وضاعت علينا الحفلة
انا بس يا جماعة بعتذر بجد لرحاب علي صفحات البلوج وبقلها ربنا يخليها ليا وتفضل تستحملني كده علي طول
انا بس يا جماعة بعتذر بجد لرحاب علي صفحات البلوج وبقلها ربنا يخليها ليا وتفضل تستحملني كده علي طول
هناك 9 تعليقات:
طبعا انا ماليش حق الرد و لا ليا فى الموضوع أصلا
بس حبيت اقولك ان الموضوع ده بيحصلى كتير
وانا من فوق هذا المنبر -بعد اذن صاحبته يعنى- عايز اوجه رسالة لكل الاصدقاء اللى فى مصر .. " خليكوا جدعان و متزعلوش من أصحابكم علشان بيتأخروا علشان غصب عننا والله "
شكرا يا عمر علي المتابعه بس فعلا انا كنت زعلانة من نفسي اني ضيعت عليها الحفلة وهي ربنا يخليها ليا مزعلتش مني
أنا عمري ما أزعل من اتنين في الدنيا دي، إنت وإيمان
وآسفة لأني ما كنتش أول واحدة تقرى الاعتذار الجميل ده
بس الموضوع مش بس احتمال وعدم نرفزة الموضوع بمنتهى البساطة إني حسيت إن ربنا مش قاسمها لي وبالتالي النرفزة مش هتقدم ولا هتودي
وعلى فكرة يا جماعة أنا ساعات برضه بتنرفز عليها بس هي الجلالة والحب واخدين حدها معانا الأيام دي وبالتالي بنسى
مي بحبك في الله
وانا كمان بحبك انت وايمان
ربنا يخليكوا لبعض و يدوم المحبة
الواحد ممكن يعيش عمره كله وهو بيدور على شخص يحبه لشخصه أو انسان يصادقه من غير ما يكون عاوز منه مصلحة
ويستحمله ويقف جنبه وقت الازمات
لما تلاقى حد كده فى حياتك
انت فعلا كسبت كتير
كتير أوى
ولازم تحافظى على الشخص ده
ربنا يخليكم لبعض
دى زيارتى الأولى للمدونة
بصراحة الاسم شدنى أوى
شكلك كده من عشاق فيروز
بصرة
وانا كمان
على العموم انا سعدت بزيارت لمدونى المتواضعة
شكرا
شكرا ليك يا خالد
وشكرا يا دكتور احمد علي الزيارة والحمد لله انا دايما بقول انه من اكبر النعم اللي ربنا ادهالي هي اسرتي واصحابي
واتمني للكل ان ربنا يوفقهم باصحاب يحبوهم بجد مش حب مصلحه لان الاصحاب الكويسين بقوا قليليين
إرسال تعليق